നിങ്ങള് തെരുവിലലയുന്ന
ദൈവങ്ങളെ കണ്ടിട്ടുണ്ടോ?
ഒരു നിറങ്ങളുടെയും കൂട്ടില്ലാതെ
ഒരു ആരധനാലയങ്ങളുടെയും
അകമ്പടിയില്ലാതെ..
വെള്ളയും കാവിയും പച്ചയും
നിറങ്ങള് പുറത്തേയ്ക്കെറിഞ്ഞു
വസ്ത്രങ്ങളേ ഇല്ലാതെ..
അല്ലങ്കില് ചിലപ്പോള് നാമം മാത്രമായി
നിറമില്ലാത്ത ദുര്ഗന്ധം വമിക്കുന്ന
പിഞ്ചിപ്പോയ, കളറുകള് അശേഷമില്ലാത്ത
വസ്ത്രങ്ങളുമായി തെരുവുകള് തോറും
അലയുന്ന ദൈവങ്ങള്...
കണ്ണീരുണങ്ങിയ പാടുകളും
എല്ലുകള് ഉന്തിയ ശരീരവുമായി
ആശ്രയമില്ലാത്ത, വൃദ്ധരൂപം പൂണ്ടും
ഉപേക്ഷിക്കപ്പെട്ട ബാല്യങ്ങളായും,
മാറാരോഗങ്ങളാല്, വ്യധികളാല് അവശരായും തിരസ്കൃതരായും, നശിപ്പിക്കപ്പെട്ട യവ്വനങ്ങളായും
ദൈവങ്ങള് തളര്ന്നിരിക്കുന്നു..
നാം കണ്ണടക്കുന്നു, കാണുന്നതേയില്ല
കണ്മുന്പിലുള്ള ഈ ദൈവങ്ങളെ...
കാണുന്നതേയില്ലീ ദൈവങ്ങളെ ..
നമുക്ക് വേണ്ടത്, നാം തിരയുന്നത്
വര്ണക്കൊടികളുടെയും
തോരണങ്ങളുടെയും പട്ടു വസ്ത്രങ്ങളുടെയും
പളുപളുപ്പില് തിളങ്ങുന്ന ദൈവങ്ങളെയാണ്
വെളുപ്പിനാലും കാവിയാലും പച്ചയാലും
പൊതിഞ്ഞുവരുന്ന ദൈവങ്ങളെ..
നാം കണ്ണടക്കുന്നു, കാണുന്നതേയില്ല
കളറുകളില്ലാത്ത ഈ ദൈവങ്ങളെ...
എവിടെ വര്ണ്ണക്കളറുകളില്
പൊതിഞ്ഞ നമ്മുടെ ദൈവങ്ങള്?